這個年代如果遺失手機，有時還緊要過遺失銀包，皆因電話裏除了儲存了所有人的聯絡電話號碼，更有不少珍貴相片。日前有一位港媽在一位有心人的幫助下，尋回一年前遺失的手機，更重要的是重獲一些珍貴的紀錄。
網上圖片
老公以為詐騙電話Cut咗人線
這位港媽在社交平台發文，指一年前不小心遺失了部手機，當時她以為再沒機會尋回，怎料近日她竟然失而覆得。她指突然收到一位男子打來，直言「公司裁員，佢幫手清櫃筒果陣見到，應該係之前啲同事收起咗」雖然他見到港媽以前在手機留下的信息時，有馬上打給她老公，「但老公以為詐騙仲cut人線」但最後兩人都有相約出來交收電話。
網上圖片
好心人拒收薄酬
港媽表示交收手機時，想給對方一封利是，「因為寫明會有薄酬」但是男子婉拒，並表示「話知道唔見電話好難搵得番」，而他都知道港媽想尋回電話是因為手機裏有bb的出世相，但當時沒有backup。
網上圖片
祝福將出世BB健康及並找到工作
不過港媽提到這名男子「黎緊bb 7月出世，但公司裁員裁埋佢，」所以她藉此為他即將出世的BB送上祝福「祝福佢BB 身體健康，同埋可以快啲搵到新工，好人有好報」。
網上圖片
網友：有責任心而又唔貪心既人真係買少見少
網民睇帖後亦紛紛為這位好心人送上祝福，並大讚這名男子好有善心「呢個哥哥好好人！」、「希望佢快啲搵到新工」、「不如你送啲bb野俾佢」、「有責任心而又唔貪心既人真係買少見少」。不過都有網民有疑問，不解男子在手機遺失後的一年，為甚麼突然在公司的櫃桶內找回部手機？事主解釋「佢話應該係佢前同事，但佢都唔sure，因為係幫公司清啲櫃桶的時候喺櫃桶見到」
