啟德驚現「保險公司貴賓專用」廁格網民：非貴賓用咗有咩後果？

社會事

啟德驚現「保險公司貴賓專用」廁格網民：非貴賓用咗有咩後果？

2025年04月19日 12:30

英國樂隊Coldplay近日在啟德體育園舉行香港站演唱會，除了表演氣氛熱熾外，場內一設施亦竟成為熱話。有觀眾發現體育園男女廁所出現「某保險公司貴賓專用」標示的尿兜和和廁格，相關照片在社交平台引發熱烈討論。

一名男網友日前在網上分享照片，顯示啟德體育園男廁有一個尿兜上方貼著某保險公司的「貴賓專用」告示。隨後有女網友回應指，女廁亦有兩個廁格門上貼有相同標示。

帖文引發網民紛紛留言：「用前需要登記嗎？」、「想知屙咗會點？」、「入到去要輸入保單號，個馬桶蓋先會打開」。更有網民幽默表示：「證明我買嘅保險畀佢課咗落去買尿兜位」、「貴賓周」、「應該整個蓋，要嘟VIP卡先會開蓋」。

亦有網民指出，此類做法其實非新鮮事：「幾廿年以來已經有嘅做法，咁多人大驚小怪」、「幾十年前，啲商場廁所洗手盤，都會寫咩咩酒樓專用」，有人解釋原因，「應該係餐館酒牌要求有廁所，個牌擺喺嗰度為咗滿足牌照條件」。不過由於保險公司並非餐飲業者，似乎跟牌照條件沒有關係。

往下看更多文章

城巴新增「請勿剪指甲」屏幕提示網友提議：最好罰款二千大元！

一些毫無公德心的乘客會在乘搭公共交通工具時剪指甲，整到成地指甲碎，全完不顧衞生。日前有網民就發現巴士上的車廂廣播及走馬燈屏幕除了提示不要飲食外，更加多了要求「請勿剪指甲」，令一眾網民拍手叫好！

走馬燈告示屏幕出現：請勿剪指甲

網民在社交平台Threads上載相片，指見到城巴的上層走馬燈告示屏幕除了提醒大家切勿飲食外，竟然出現「請勿剪指甲」「Don't drink, cut your nails 」等字眼，詢問是幾時有的？有網民就即刻問「幾時有埋請勿大聲播片」隨即得到很多網民的和應。樓主回應，「有！我想講下一條就係為免影響車長及乘客，請勿大聲播片之類」，亦有網民表示「有呀早兩日先遇到，個警告仲播左成個站時間」。

網民期待已久：終於有呢一句溫馨提示

不少網民都欣然見到新提示，笑說「每一條規則背後都有一段離譜故事」、「終於有呢一句溫馨提示，最近我收工上巴士，見到仲有空位就坐低；誰知一嘢就感覺到有尖銳嘅嘢吉落大脾勁痛！，我大嗌咗出嚟再9秒9彈彈返起身，再擰轉頭望張櫈..... x!!!!! 有2條指甲碎係櫈」

網民常遇到有乘客車上剪指甲

不少網民都表示仍見到不少人在公共交通工具上剪指甲，「早上個月既事，應該有車長停車開咪大嗌，請勿剪指甲好核突呀，之後就有走馬燈同廣播，幕後整廣播同燈牌個班師父應記一功」、「分享一下星期日搭輕鐵去到新墟站，車長開門同阿叔講：你剪咗好耐囉喎，係咪你同我清」、「其實咁多年都有呢啲人，係睇你預唔遇到㗎啫，我就每一兩年都起碼遇到一個」、「我幾十歲人，自十幾歲開始已經至少遇過十個巴士上剪指甲的人。有啲長剪，有啲剪幾隻」、「真心唔明，點解要喺外面剪指甲！喺屋企生活忙到咁咩？」、「琴日搭地鐵個阿嬸坐喺我隔籬剪指甲，尖沙咀剪X到旺角」。