城巴新增「請勿剪指甲」屏幕提示 網友提議：最好罰款二千大元！

一些毫無公德心的乘客會在乘搭公共交通工具時剪指甲，整到成地指甲碎，全完不顧衞生。日前有網民就發現巴士上的車廂廣播及走馬燈屏幕除了提示不要飲食外，更加多了要求「請勿剪指甲」，令一眾網民拍手叫好！

城巴的上層走馬燈告示屏幕除了提醒大家切勿飲食外，竟然出現「請勿剪指甲」「Don't drink, cut your nails 」等字眼。網上圖片

城巴的上層走馬燈告示屏幕除了提醒大家切勿飲食外，竟然出現「請勿剪指甲」「Don't drink, cut your nails 」等字眼。網上圖片

走馬燈告示屏幕出現：請勿剪指甲

網民在社交平台Threads上載相片，指見到城巴的上層走馬燈告示屏幕除了提醒大家切勿飲食外，竟然出現「請勿剪指甲」「Don't drink, cut your nails 」等字眼，詢問是幾時有的？有網民就即刻問「幾時有埋請勿大聲播片」隨即得到很多網民的和應。樓主回應，「有！我想講下一條就係為免影響車長及乘客，請勿大聲播片之類」，亦有網民表示「有呀早兩日先遇到，個警告仲播左成個站時間」。

原來仍有不少網民都見到有人在公共交通工具上剪指甲。網上圖片

網民期待已久：終於有呢一句溫馨提示

不少網民都欣然見到新提示，笑說「每一條規則背後都有一段離譜故事」、「終於有呢一句溫馨提示，最近我收工上巴士，見到仲有空位就坐低；誰知一嘢就感覺到有尖銳嘅嘢吉落大脾勁痛！，我大嗌咗出嚟再9秒9彈彈返起身，再擰轉頭望張櫈..... x!!!!! 有2條指甲碎係櫈」

網上圖片

網民常遇到有乘客車上剪指甲

不少網民都表示仍見到不少人在公共交通工具上剪指甲，「早上個月既事，應該有車長停車開咪大嗌，請勿剪指甲好核突呀，之後就有走馬燈同廣播，幕後整廣播同燈牌個班師父應記一功」、「分享一下星期日搭輕鐵去到新墟站，車長開門同阿叔講：你剪咗好耐囉喎，係咪你同我清」、「其實咁多年都有呢啲人，係睇你預唔遇到㗎啫，我就每一兩年都起碼遇到一個」、「我幾十歲人，自十幾歲開始已經至少遇過十個巴士上剪指甲的人。有啲長剪，有啲剪幾隻」、「真心唔明，點解要喺外面剪指甲！喺屋企生活忙到咁咩？」、「琴日搭地鐵個阿嬸坐喺我隔籬剪指甲，尖沙咀剪X到旺角」。

網上圖片

有人建議：罰款二千大元

有網民建議「唔應該用請勿，應該係不准」「因為剪指甲真係好大聲，有個做車長嘅frd親口講嘅，喀嗰下聽得一清二楚」有人更提議應該對此行為立下處分「最好有埋罰款二千大元，即刻冇曬呢啲垃圾人自私精 」

如在乘搭公共交通工具遇到有禮的司機，自己的心情也會很好。有港男在社交平台發文表示，近日工作壓力大，上小巴時發現司機非常有禮貌，與乘客的互動亦極其窩心，整個過程令他感到舒服，更覺得「壓力好似消失咗咁」。

工作壓力大 帶住沉重心情上車

樓主在社交平台Threads發文表示，最近「壓力真係好大，瞓覺連續兩次飆冷汗扎醒咗」。當日帶住沉重心情上小巴工作。

未幾發現司機非常有禮貌，會向每個上車乘客表示「多謝晒，慢慢坐好」。乘客下車時，司機亦會提醒「小心啊慢慢」。最後，每名乘客下車時都會主動向司機道謝。

影片截圖

成個人精神爽利

樓主形容整個車程只有短短的十分鐘，但他卻感到「成個人精神爽利晒」，亦認為「成個過程好舒服」。雖然樓主所煩惱的事情仍然存在，但在乘車時看到司機與乘客的互動，頓時間「壓力好似消失咗咁」，相信自己可以慢慢解決問題。

司機同乘客一樣咁有禮貌

影片中，有乘客下車時表示「唔該晒，拜拜」，司機亦提醒「小心呀」。上客的同時，另一名乘客示意火車站下車，司機沒有不耐煩或焦急地開車，而是讓先她等一等，等待所有乘客坐好才開車。

影片截圖

到達火車站後，司機亦向乘客示意到站，「慢行，唔該晒，拜拜」，乘客也說「唔該」才下車，雙方都非常有禮。

影片截圖

網民：其實香港都好多好人

不少網民大讚「呢位司機好有禮貌」、「我都遇到咁好禮貌嘅司機，成程車好舒服」、「其實香港都好多好人 」。