熱水$3冰水$5？茶記貼告示收「茶水費」 網民急計凍滾水 暖水幾錢

近日有網民發現居然有茶餐廳水都要收錢！仲要熱水每杯$3、冰水每杯$5，令大批網民嘩然。

熱水每杯3元、冰水每杯5元

從照片可見，牆身上貼上1張顯眼告示，上面印有「熱水$3一杯 冰水$5一杯」的字眼，所以可以推測餐廳並非免費供應熱水及冰水。

FB圖片

水都收錢 網民批「趕客」

對於餐廳是否應就飲用水收費一事，網民意見兩極。有網民認為餐廳收取食客飲用水費用是「趕客」，「呢個時勢唔係想辦法改善服務吸客，而係用盡方法呃錢趕客」、「其實免費水唔會佔太多成本，佢咁樣仲得罪客」、「好小氣，唔會去幫襯」、「水都收錢係仆X」；也有網民表示雖然不少餐廳也並非免費供應冰水，「但連熱水都收錢就真係未見過」。 

Getty示意圖

網民稱茶水費正常 只是表達欠佳

然而，另一派的網民就指出其實有不少餐廳亦會收取茶水費，只是照片中的餐廳表達欠理想，「高級餐廳大把只提供收費礦泉水。雖然睇相唔似係高級餐廳，但無人話唔收得」、「佢咁寫就唔識做公關，佢應該寫本店只提供熱水，如要凍水／冰水，每杯收費5元」。

unsplash示意圖

網民腦筋急轉彎計各種水價

有網民就相當好奇餐廳食水售價，笑言「凍滾水係咪8蚊」、「咁計要杯暖水應該係4蚊」。有網民就回應指該茶餐廳位於香港仔，並表示食客要求常溫水的話，餐廳不會額外收費，「只係熱同冰要畀錢，常溫唔洗」、「要室溫水唔使錢」。

unsplash示意圖

疑餐廳職員爆有苦衷？

有疑似是餐廳職員的網民不斷留言「洗板」，道出熱水和冰水要收錢的苦衷，又強調「其實提供溫水是免費的」，指有很多客人要求「全熱水」和「冰水」，而有些客人並非要水來飲用，而是用來洗手，「次次都把枱面同地弄濕」，更反問「不如你掉轉問下有冇收過任何客人水錢？」。

不過呢個解釋網民似乎唔受落，「話啲客『用水係檯面洗手』，你咪貼張『不可在座位洗手』，而唔係貼收水錢下話」。

本港網絡流傳一則影片，影片中可見深夜的尖沙咀街頭，有一名穿著短裙的女子為了追巴士狂奔。可惜跑足100米，仍然追不上巴士，女子無奈只好停下來。影片亦引來大批網民熱議。

港女苦追巴士跑足100米都追唔上

有網民在日前（4月14日）於社交平台threads以「其實追巴士都係一門學問」為題發布影片，影片長11秒，可見當時正值深夜，一名身穿灰色連身短裙的女子在馬路上狂跑追巴士。

影片截圖

跑到巴士站彎位時，本以為可以趕上，卻只見巴士緩緩駛去。該名女子跑足百米，最後目送巴士離開，只好停下腳步。

影片截圖

網民同情女子遭遇表示「好慘」

影片隨即引來網民熱議，紛紛同情該名女子遭遇表示「好慘」，亦有不少網民分享自己的經歷「我屋企附近巴士站都係班次少，有時搭車會睇早幾個站或總站開時間。嘩，一走咗架車，真係等半個鐘係最低消費」、「好似我每日返工追巴士咁，有時衰到明明追到，而架車又未開走，你拍門個司機都唔開門畀你」。

也有人指「屋企樓下有架巴士非繁忙時段要30分鐘一班，上星期四明明十幾分鐘前話係53分到站。跟着我校好鬧鐘5分鐘前落去，點知變咗49分到站……一兩分鐘我真係落唔到去（平時我都係咁搭，80%會上到）」。

網民直言自知追不上 就不要腳力了

有部分網民直言見到與巴士的距離，自知追不上，不會嘥腳骨力，「好老實，我見到咁嘅距離，一定唔會追」、「見到佢頭燈，你仲有機會追到，見到佢尾燈慳返啲腳骨力好過」。

網民教大家如何追巴士

也有網民教導該如何追巴士，「追巴士表示坐底起跳追兩個站，望定下一個站係邊度老虎蟹咁樣走捷徑衝過上去」、「巴士App係必備」、「漆咸道南跑出九龍公園上好過啦，一定趕得切」、「其實你跑時應該大動作揮手先見到你」。

重點關注女子美貌

影片截圖

有不少網民更是重點關注女子美貌，「正喎」、「靚女都唔俾面」、「對唔住我笑完，之後先發覺原來係靚女」。