乘客不滿車長駕駛途中去廁所貼相公審 卻引網民圍剿：涼薄！

巴士司機在駕駛途中遇到三急，是否不應去廁所呢？日前就有網友發文指有城巴司機在駕駛中途站停車去廁所，認為是不允許的，於是貼相公審，卻引來網民圍攻！

資料圖片

樓主：係始終唔得都係唔得

日前有網友在社交平台發布多張巴士司機的相片，留言「冇人嘅？呢個又唔係總站。原來司機去咗廁所，咪住，司機可以去廁所嘅咩？好似唔得go bo（㗎啵），雖然我都明白人有三急，係忍唔到嘅，但係始終唔得都係唔得」。

FB圖片

相片所見涉事的是一架20A號城巴，其中一張相司機位未有司機，大門則關上，但不知車上有沒有乘客，而另一張則疑似是涉事的巴士司機返回車上。

網民圍攻批評樓主涼薄

網民睇完貼後，大部份都指摘樓主公審司機行為涼薄，「叫佢返工坐足8個鐘，水都唔好去斟，免得佢要去廁上」、「呼吸都有罪？」、「司機都係人，佢都有生理需要㗎嘛」、「香港人畀多啲包容心好唔好，人有三急，係咪要逼到要司機屙喺張凳先？」、「你又話你明白人有三急忍唔到，但係你又唔畀人去廁所，咁點？係巴士度屙？知唔知自己講咩？」、「原來做巴士司機去廁所食飯都係罪，多得你呢啲西客先會有咗咁多投訴！」、「而家啲人都幾癲㗎喎，去個廁所都唔得，喺高速公路就冇辦法啫，埋咗站去廁所都唔得？」。

FB圖片

網民：司機都喺人，唔喺機械

亦有網民認同樓主，認為如不是總站，且車廂仍有乘客，司機是不能離開的，但隨即給其他網民圍攻「不能離開車箱 vs 瀨喺車箱，做個正常人啦」、「司機都喺人，唔喺機械，唔通要佢忍到返總站先可以去洗手間咩」、「我一直都好佩服啲職業司機，自問腸胃唔好，完全想像唔到啲司機喺隧道塞車時又要急屎急尿果個情況應該要點算」。

FB載圖

由於太多網民怒插樓主，最後樓主唯有刪去帖文，惟有網民早已截圖轉貼繼續瘋狂批評。

本港網絡流傳一則影片，影片中可見深夜的尖沙咀街頭，有一名穿著短裙的女子為了追巴士狂奔。可惜跑足100米，仍然追不上巴士，女子無奈只好停下來。影片亦引來大批網民熱議。

港女苦追巴士跑足100米都追唔上

有網民在日前（4月14日）於社交平台threads以「其實追巴士都係一門學問」為題發布影片，影片長11秒，可見當時正值深夜，一名身穿灰色連身短裙的女子在馬路上狂跑追巴士。

影片截圖

跑到巴士站彎位時，本以為可以趕上，卻只見巴士緩緩駛去。該名女子跑足百米，最後目送巴士離開，只好停下腳步。

影片截圖

網民同情女子遭遇表示「好慘」

影片隨即引來網民熱議，紛紛同情該名女子遭遇表示「好慘」，亦有不少網民分享自己的經歷「我屋企附近巴士站都係班次少，有時搭車會睇早幾個站或總站開時間。嘩，一走咗架車，真係等半個鐘係最低消費」、「好似我每日返工追巴士咁，有時衰到明明追到，而架車又未開走，你拍門個司機都唔開門畀你」。

也有人指「屋企樓下有架巴士非繁忙時段要30分鐘一班，上星期四明明十幾分鐘前話係53分到站。跟着我校好鬧鐘5分鐘前落去，點知變咗49分到站……一兩分鐘我真係落唔到去（平時我都係咁搭，80%會上到）」。

網民直言自知追不上 就不要腳力了

有部分網民直言見到與巴士的距離，自知追不上，不會嘥腳骨力，「好老實，我見到咁嘅距離，一定唔會追」、「見到佢頭燈，你仲有機會追到，見到佢尾燈慳返啲腳骨力好過」。

網民教大家如何追巴士

也有網民教導該如何追巴士，「追巴士表示坐底起跳追兩個站，望定下一個站係邊度老虎蟹咁樣走捷徑衝過上去」、「巴士App係必備」、「漆咸道南跑出九龍公園上好過啦，一定趕得切」、「其實你跑時應該大動作揮手先見到你」。

重點關注女子美貌

影片截圖

有不少網民更是重點關注女子美貌，「正喎」、「靚女都唔俾面」、「對唔住我笑完，之後先發覺原來係靚女」。