美食新聞報道丨邵音音推介明星聚腳地食堂變紅館 貼心行仔拆蟹餵食獲讚「靚仔」

音音姐猛讚行仔！

由一班靚仔靚女倪嘉雯（Carmen）、黃嘉雯（Carmaney）、王嘉慧（Cathy）、廖慧儀（Jessica）、伍倩彤（Gillian），蔡景行（行仔）、范莎莎（Zaza）等主持的飲食節目《鄰住買好嘢至抵食特約︰美食新聞報道》。將逢周一、二及周四、五晚上8點於TVB Plus（82台）播映。

今集「星級飯腳」嘉賓為音音姐。

音音姐帶行仔到自己的「飯堂」。

行仔為音音姐餵食。

今晚（3月10日）「星級飯腳」請來資深藝人邵音音擔任嘉賓，她縱橫影圈多年，拍過不同種類電影，更曾兩奪香港電影金像獎最佳女配角。事前行仔直言好驚︰「同大前輩食飯，佢又好似好有性格咁，好驚呀。」當他見到性格爽朗的音音姐時，疑慮一掃而空。第一站音音姐帶行仔到經常幫襯的飯堂用膳，大鄉里般的行仔見到偌大的包廂，忍不住問︰「嘩！咁大間房，音音姐你平時一個人嚟都食咁大間房㗎？」大情大性的音音姐忍不住笑罵︰「你都黐孖筋嘅，我一個人點可以食咁大間房。」她介紹此家酒樓是由多位歌星、明星集資開設作為自家飯堂，音音姐解釋說︰「佢哋原意係橫掂日日都出街食飯，不如自己開一間。」她又補充酒家經常邀請一班昔日小生、花旦舉行小型演唱會，她說︰「佢哋唔係為賺錢，為大家開心。我哋買枱聽歌一齊玩，好開心㗎。」

黃酒雞

麻婆豆腐龍蝦

星洲胡椒蟹

今趟音音姐推介的黃酒雞是客家女性恩物，主打行氣活血，音音開玩笑說︰「每次嚟必食，我呢啲應死唔死就係靠飲呢啲，客家米酒對身體好好。」接住星洲胡椒蟹上場，行仔化身暖男為音音姐拆蟹鉗，又應要求餵食，非常滿意的音音姐猛讚︰「嘩！真係好食到想講粗口。」而行仔貼心舉動獲讚「靚仔」。接住介紹位於元朗的泰菜館，由已故邵氐女星于楓兒子經營，該店亦是寵物友善餐廳，一群貓奴、狗奴經常在此聚會。三大必試菜式分別是︰香芒羅非魚、泰式香葉原隻燒雞、泰國夜市火山排骨。燒雞即叫即燒，行仔再次化身暖男，為音音姐撕開熱焫焫的燒雞，可惜因為太熱事敗，最終要出動較剪。

音音姐帶行仔歎泰國菜。

餐廳設計成巴士模樣。

香芒羅非魚

泰式香葉原隻燒雞

泰國夜市火山排骨

詹天文（Windy）推出全新單曲《一切都是有原因的》，有別於以往《麻煩彈開》、《大雕刻家》的跳唱歌路，轉而以空靈、縹緲的聲線演繹新歌，展現出不同面向的魅力。

詹天文（Windy）全新單曲《一切都是有原因的》MV面世。

拍新歌MV遇暴雨。

Windy對於推出新歌感到非常興奮：「每一次可以推出自己嘅作品都會覺得好興奮！感受到今次新歌唱法上嘅轉變，同埋呢首歌嘅訊息。」她又表示極度喜歡新歌的曲風嘅作品，因為感覺很夢幻，很舒服，可以不斷loop。

今次新歌由擔任Edward Chan，Windy覺得感覺好神奇：「錄音過程Edward唔會俾好大壓力要逼自己交一啲出嚟，而係引導我，又會熄燈俾我去感受個氛圍。每次當我唱到一啲佢想要嘅感覺，啱feel嘅句子嘅時候佢都會好激動，好似一齊做緊一個project，感受嗰份喜悅！」

首次拍足24小時。

Windy表示很喜歡歌詞中「我要變壯闊要抱壯闊的雲/我要變細緻吻細緻的塵」這一段，她說：「首先我很好喜歡呢份歌詞，錄音嗰時一層一層疊vocal喺上面，好有chemistry，好有畫面！」

新歌MV拍足24小時，又遇上暴雨，Windy表示是第一次如此大挑，她說：「真係好攰，第一次拍足24個鐘，加上冇咩點食嘢，到後尾胃到有少少頂唔住，但我都夾硬撐住，唔想辜負大家！」她續說：「雖然遇上天氣問題打亂計劃，但唔會好影響心情，因為團隊大家都好努力幫我去完成呢個MV，好感恩！所有辛苦係值得㗎！個MV好似一個藝術品咁！希望出嚟嘅效果大家會鍾意。」

冇食嘢捱到胃痛！

Windy表示拍攝期間雖然遇上天氣問題打亂計劃，但不會影響心情。

《一切都是有原因的》由周耀輝填詞、Edward Chan監製，歌詞探討人與人之間，以及與身邊事物之間的連結，當中的核心是「愛」。即使身處困境，面對狀況時質疑自己，但統統問題其實只是那一剎的事情，纏擾不散的只是情緒；請繼續抱持希望，自然會找到出路、答案，因為愛就是原因。

Windy對於推出新歌感到興奮。