楊卓娜玩夾多士乘「肌」喪摸孔德賢心口 劉穎鏇郭柏妍嗲求張振朗丁子朗幫拖食辣辣泡芙

特備節目《鄰住買特約：大師兄玩轉Easter感謝祭》明晚（4月6日）8點翡翠台播映，「大師兄」錢嘉樂率領「獎老」阮兆祥、麥美恩、林秀怡和林正峰齊齊以復活節造型亮相。今集節目繼續優惠多多，大量感謝祭貨品將於節目播出後在網購平台「鄰住買」開售，觀眾除可於「大師兄送大禮」環節中搶奪現金利是，還有機會在「大彩蛋活動」中贏取iphone，萬勿錯過！

娜姐啲表情包不得了。

娜姐啲表情包不得了。

瘋玩兼愛出貓嘅娜姐真係好少見。

振朗話佢私下稱呼劉穎鏇做「Bubu」，係咪真架？！

振朗話佢私下稱呼劉穎鏇做「Bubu」，係咪真架？！

呢個場面係好笑架。

Rosita食辣泡芙個樣好搞笑。

娜姐玩「障礙賽」喪出矛招
今集參與遊戲的嘉賓有「奪命提示隊」的張振朗、劉穎鏇（Tiffany）、丁子朗、郭柏妍（Rosita）、楊卓娜（娜姐）、鄧智堅（堅叔）；及「香港原味道隊」的孔德賢（Danny）、冼靖峰（Archie）、黃劍文、王汛文、莊子璇、潘靜文。今集眾多遊戲中，以久違了的「開心無敵夾多士」最為搞笑、亮點處處。首先出名演得的娜姐，原來亦相當玩得，當Danny主動要求找她VS時，她先是展露含羞答答樣，隨後笑言：「你識得揀，姐姐係好嘢嚟！」之後娜姐及Danny分別抽中用「臉頰」及「胸」夾多士，娜姐即喜感大爆發，以勁Enjoy樣喪摸Danny胸肌上演有「肌」可乘，並笑言：「我第一次架咋，多謝大家！」另在「障礙賽」環節，負責收尾門以體重壓爆汽球的娜姐，竟三度出矛招用手預先練爆汽球，認真曳曳。

兩位咁可愛嘅少女Bling Bling求你幫拖，唔係唔幫呀嘛？！

Rosita見丁丁挺身解圍，開心到拍手仔。

Tiffany個樣好慘咁。

Rosita喺節目度，係完全冇管理過佢嘅女神樣，但依然全部都好可愛。

兩位可愛女神玩起遊戲上嚟都係也也烏。

兩位可愛女神玩起遊戲上嚟都係也也烏。

劉穎鏇誤中「天外飛Cream」勁黑仔
而「奪命可愛孖妹」劉穎鏇及郭柏妍，遊戲期間各有各搞笑，前者獲綜藝之神眷顧，於「開口中」中意外遭「天外飛Cream」擊中，幕後黑手竟是張振朗！至於Rosita則全程發放「呆萌表情包」，尤其在「落大閘」環節與張振朗還原《奪命提示》的馳名「奪命較剪腳」時，更將論盡本色發揮到淋漓盡致，齋睇Cutie樣已值回票價。不過論到二人最精彩的部分，是在「撞機機」環節中，齊齊以超嬌嗲Tone，著振朗及丁丁幫忙吃「加料辣辣泡芙」，兩位男士亦零秒猶豫挺身為女拍檔解圍，場面甜蜜又有愛。

潘靜文美腿福利圖。

Tiffany呢個「天外飛Cream」好笑嘅。

好想Highlight一下黃劍文呢個髮型，絕！

真係互摑架！

留意番Archie玩遊戲係唔止慢半拍咁簡單。

明晚還有另一對CP亦相當搶，他們就是「超星團CP」丁子朗與冼靖峰，無論玩甚麼遊戲，二人只要碰頭便會忍不住擁抱又拍手，二人玩「夾多士」期間，更瘋狂互摑Pat Pat兼笑到四萬咁口，足證感情極佳。「原味道隊」的莊子璇於玩「落大閘」期間則瘋狂搭錯線，無啦啦指「梁朝偉」靚仔；另由於今次「開口中」玩Cream兼出動埋水槍，遭瘋狂射水的璇璇，最終更難得展現了「甩妝真面目」。想睇更多藝人真面目及真性情，密切留意明晚播映的《大師兄玩轉Easter感謝祭》。

丁丁同Archie都好有CP感其實。

璇璇玩遊戲時都展現咗唔少呆萌位。

題外話，Archie答中問題嘅得戚樣都好值得推介。

璇璇抗辣力好一般吓。

冇錯！呢個就係璇璇「甩妝真面目」喇。

在《大灣區航空桂林及張家界航線呈獻：奪命提示》中飾演神秘訊息情報科（ASIB）頭目的陳山聰，出席劇集前期宣傳活動時，曾揚言手上持有大量「隊友」瞓覺相！昨日（4月15日）山聰帶頭「找數」，在個人社交網「自爆」三張自己的瞓覺相，並hashtag「瞓覺相challenge」，著「隊友」跟著自爆。搞笑的是，走開潮人路線的山聰，就連瞓著覺也不自覺Chok甫，遭「隊友」留言取笑，其中振朗更落足鞋油：「阿頭～犯晒規喎，瞓覺都可以咁型。」

陳山聰瞓得好Chok。

陳山聰瞓得好Chok。

未幾，ASIB其他要員劉佩玥（Moon）、張振朗、劉穎鏇（Tiffany）、丁子朗及郭柏妍（Rosita）相繼上載瞓覺相，當中最吸睛的是丁丁的「半開眼瞓覺相」及Rosita的「企棟棟瞓覺相」；對於丁丁能睜著眼睛睡覺，隊友嘖嘖稱奇，山聰搞笑留言指：「我有理由懷疑你係反我眼」，振朗則抵死留言：「子超，你唔好有事」，令阿Moon也忍不住大笑：「喂呀！」至於Rosita的直立式瞓覺甫，則獲隊友封為「可愛睡模」，她自己亦乘機曲線宣傳：「Julie係咪周公嚟架？」

丁子朗呢吓勁。

Rosita企棟棟瞓覺。

阿Moon

網民讚Tiffany瞓著覺都咁可愛。

網民讚Tiffany瞓著覺都咁可愛。

不過，搞笑還搞笑，Rosita的企棟棟睡姿背後原來有段故，而且更相當專業。事緣Rosita當日原來發高燒，但與韓馬利一樣因不想影響劇組拍攝進度，Rosita一直沒有說出自己發燒實情，就連監製Jazz也是最近才知道Rosita當日頂著高燒拍攝。

Rosita個瞓覺樣好似小朋友。

對此，Rosita接受TVB.COM訪問時，憶述當時情況真的蠻辛苦，幸獲劇組貼心照顧：「嗰時都病得好緊要，同埋發好高燒，但因為嗰時啲Rundown已經排晒，我見到我當日要拍嗰場被綁架戲又涉及好多唔同嘅工作單位，如果甩咗呢場我怕會浪費好多人力物力，所以我都頂硬上，希望可以順利完成。劇組好好，喺唔需要我嘅場口都畀我休息，瞓一瞓好好多。」另照片所見，Rosita的美腿還佈滿蚊赧，原來Rosita之前在南生圍拍攝重頭打鬥場面時，被蚊咬到一腳都是，認真我見猶憐。

對腳真係好多蚊赧陰公。

睇嚟Rosita真係瞓得好淰。

至於振朗與Tiffany的「同框瞓覺甫」，則遭監製Jazz取笑「識睇梗係睇腳」！原來驟眼看振朗恍似將腳晾在Tiffany腳上睡覺，但實情其實只是角度問題，但Tiffany仍搞笑地叫振朗「Please move your leg」，相當識玩。長期口多多的振朗，更搞笑地分享瞓覺必靚秘訣：「識瞓一定係gel晒頭，着晒皮褸，或者着禮服瞓覺，咁喺呢個世界就冇人可以影到我樣衰嘅瞓覺相。」

張振朗都瞓得好Chok。

張振朗都瞓得好Chok。

張振朗雖然望落好似責住Tiffany對腳嚟瞓，但其實只係錯覺，佢仲講笑話腳痺嗰個係佢自己。

連監製文偉鴻Jazz都加入戰團玩埋一份。