祿播靈接觸｜皓云師傅揭生肖玄機 肖鼠黃紫恩吉星拱照事業如意

Jojo獲贈「呃like最佳時辰」！

由梁思浩、黃紫恩（Jojo）及黃耀英（Darren）主持，TVB Plus（82台）靈異一小時節目，新春期間將推出4集錄播特別版《祿播靈接觸》，一連兩周的周一晚9點半及周二晚9點35分播映。各大玄學師傅會分享蛇年各生肖運程，教你趨旺運程。同場依然提供觀眾互動環節。

《祿播靈接觸》三位主持人跟小編跟觀眾拜年。

（左起）湯之欣變身運財童子、彭翔翎變身九天玄女、黃瀅仴以紫霞仙子造型亮相。

今晚兩位嘉賓分別是裸泳師傅及皓云師傅。

今晚（2月3日）年初六亦是立春的日子，風水學家皓云師傅與塔羅占卜師羅泳嫻（裸泳）會中西合璧拆解中式風水同西洋玄學蛇年行運密碼。同時節目三位小編彭翔翎化身九天玄女、黃瀅仴及湯之欣分以紫霞仙子、運財童子造型亮相。

皓云師傅一開始以九宮飛星，計算出今年財位所在，分別是正財位位於西南方，適宜放土種植物催旺、偏財位則於正南方，可以放金屬地球儀趨運。講到今年最旺生肖，皓云師傅話非肖狗及肖雞莫屬，肖馬凶星較多運道較弱，皓云師傅笑言︰「小弟就係屬馬，所以都細聲啲講。」

新正頭少不免舞獅助慶。

兩位師傅分別以中西玄學預測來年運程。

兩位師傅分別以中西玄學預測來年運程。

皓云師傅指肖鼠的Jojo今年運情頗佳，因為有紫微和龍德兩粒大吉星拱照，他說︰「紫微星係皇帝星，代表今年工作、考試或參加比賽都容易攞第一。而龍德星係有助你能力及表現提升，同埋有貴人助力嘅一粒星。」他又教Jojo最佳呃like時辰，該段時間放相放片必定事半功倍，分別是寅時即早上3至5點及巳時早上9點至11點。

另外裸泳師傅以塔羅牌解構各星座運程，她為屬金牛座的思浩抽到一張「復活審判」牌，寓意「大天使吹號角」，她解釋︰「即係話思浩做乜都有好消息，所以跟佢搵食有着數，拍戲、唱歌、主持乜都掂。」同時金牛座今年無論大小投資都有斬獲，經常可以刀仔鋸大樹。

Jojo率先逗到思浩封利是。

肖鼠的Jojo今年運道極佳。

蛇年九宮飛星圖。

詹天文（Windy）推出全新單曲《一切都是有原因的》，有別於以往《麻煩彈開》、《大雕刻家》的跳唱歌路，轉而以空靈、縹緲的聲線演繹新歌，展現出不同面向的魅力。

詹天文（Windy）全新單曲《一切都是有原因的》MV面世。

拍新歌MV遇暴雨。

Windy對於推出新歌感到非常興奮：「每一次可以推出自己嘅作品都會覺得好興奮！感受到今次新歌唱法上嘅轉變，同埋呢首歌嘅訊息。」她又表示極度喜歡新歌的曲風嘅作品，因為感覺很夢幻，很舒服，可以不斷loop。

今次新歌由擔任Edward Chan，Windy覺得感覺好神奇：「錄音過程Edward唔會俾好大壓力要逼自己交一啲出嚟，而係引導我，又會熄燈俾我去感受個氛圍。每次當我唱到一啲佢想要嘅感覺，啱feel嘅句子嘅時候佢都會好激動，好似一齊做緊一個project，感受嗰份喜悅！」

首次拍足24小時。

Windy表示很喜歡歌詞中「我要變壯闊要抱壯闊的雲/我要變細緻吻細緻的塵」這一段，她說：「首先我很好喜歡呢份歌詞，錄音嗰時一層一層疊vocal喺上面，好有chemistry，好有畫面！」

新歌MV拍足24小時，又遇上暴雨，Windy表示是第一次如此大挑，她說：「真係好攰，第一次拍足24個鐘，加上冇咩點食嘢，到後尾胃到有少少頂唔住，但我都夾硬撐住，唔想辜負大家！」她續說：「雖然遇上天氣問題打亂計劃，但唔會好影響心情，因為團隊大家都好努力幫我去完成呢個MV，好感恩！所有辛苦係值得㗎！個MV好似一個藝術品咁！希望出嚟嘅效果大家會鍾意。」

冇食嘢捱到胃痛！

Windy表示拍攝期間雖然遇上天氣問題打亂計劃，但不會影響心情。

《一切都是有原因的》由周耀輝填詞、Edward Chan監製，歌詞探討人與人之間，以及與身邊事物之間的連結，當中的核心是「愛」。即使身處困境，面對狀況時質疑自己，但統統問題其實只是那一剎的事情，纏擾不散的只是情緒；請繼續抱持希望，自然會找到出路、答案，因為愛就是原因。

Windy對於推出新歌感到興奮。