大埔街坊便利店增值八達通遇怪阿伯搶拍卡 險被「嘟走」500元

大埔有網民在社交平台Facebook群組留言，指日前在便利店增值八達通時，突然有位老伯「飛身走埋嚟拍咭」似乎想搶在事主未嘟張咭時，嘟走500元增值額，好彩當時店員仍未按掣，他希望藉以提醒大家要小心！

八達通卡（資料圖片）

老伯搶住嘟咭疑想搶走500元增值

樓主寫到「剛剛係OK俾$500個店員充值八達通；個店員按緊制，即刻有個揸杖的老嘢飛身走埋黎拍吐咭！」他形容好彩個店員手脚慢當時還沒按掣，「幸保不失」樓主稱之後「有個男人走出嚟勸交」但因當時他趕着要返工，所以沒有和對方糾纏下去，不過他其後想起覺得「呢個可能係同黨...」

有大埔女街坊遇到同一境況

事件引來網民的關注，一位大埔女街坊留言更指自己遇到同樣的情況，她表示在富善的便利店遇到一位老伯搶住嘟咭，她當時擋着對方隻手，更大聲喝問他，對方竟答到「想check 餘額喎，跟住走咗」她提醒大家要小心！

網上圖片

原來不少人遇到阿伯搶拍咭

亦有網民留言「係大廣樓下間OK試過，佢個八達通機係門邊，又係增值嗰陣，有個阿伯伸張八達通埋嚟，好彩職員反應夠快冇㩒制」、「試過去富善邨間ok增值200蚊，有個阿叔沖埋嚟拍卡，我一個背脊撞埋去成個瞓低仲同佢講我特登㗎唔好意思，嗰個阿叔急急腳走。我最記得個收銀笑到收唔到聲。」、「我試過一次又係比完錢，有人隊張卡埋黎，之後每次比錢都會同步放埋張卡去部機度。」

網上圖片

網民：增值一定隊咗張卡係機先好畀錢

有網民表示在旺角見過有人趁人增值時「搶拍卡」，被發現時「扮死狗」賴皮，籲大家小心「唔係一兩次，慣犯嚟」、「增值一定隊咗張卡係機先好畀錢」、「穩陣起見畀完錢職員就即刻擺定卡去讀卡機安全啲」、「最好用apps自己增值」。

網上圖片

網民一致認為最好報警處理

大家都認為如真的被人搶嘟咗，最好就是馬上報警：「俾佢嘟左，咁應該要佢俾返現金或者無錢俾就報警」、「如果拍到唔畀番錢，直接報警咁同搶有咩分別」、「如果比佢成功係咪要報警」、「拍唔拍到都算係搶劫吧？試下衝入銀行搶人地㩒緊嘅錢，唔通搶唔到就唔算犯法？」。

說者無心，聽者有意。日前有名港女搭小巴時，遇到有乘客疑似趕往醫院見親人最後一面。但可能因為不熟路，上車時告知司機希望到沙田醫院時提醒她下車，但司機忘記提醒。直至過了數站後，才被告知已經過站，婦人於下車時詛咒司機。

小巴司機忘記提醒婦人落車

樓主在社交平台threads發文，指日前搭乘小巴時，遇到有名婦人上車時向司機表明，希望在沙田醫院到站時提醒她。但司機「無咗回事」。

醫管局圖片

司機遭婦人詛咒

直至已經過了1至2個站後，婦人提醒司機「你記住沙田醫院停喎」。然而司機及其他乘客紛紛表示「過咗啦喎」。

非涉事車輛（示意圖）

樓主指好好態度地向婦人道歉，並教她可於下站下車，「行去對面坐返轉頭」。但婦人下車前詛咒司機「佢斷氣嘅話，跟你一世呀！」。

樓主：幾急幾忟，呢句說話都不可取

樓主表示，明白婦人當時急住去醫院，但她亦指「幾急幾忟，呢句說話都不可取」，並同時認為「真係只有心腸壞先講得出呢句」。同時樓主亦勸勉網民，「希望大家日常保持善良和寛容，對待所有人和事」。

示意圖

網民：點可以怪司機冇提醒

帖文一出，許多網民留言批評婦人，「咁x趕仲坐小巴」、「司機要專心揸車，無責任記晒每個乘客嘅落車地點，個女人自己無做好功課，點可以怪返司機唔記得提落車轉頭」、「個司機聽完一定全日都好唔開心，呢啲傷人又對件事無幫助嘅說話，真係唔應該講」。

也有人認為應體諒婦人心情？

但同樣有人勸予網民應體諒婦人心情，或許真的很趕急，失了理智，「面臨親人生死關頭時，人可以失去理智的，亦可能真係無錢搭的士，少啲judgement，話晒一家唔知一家事」、「未必係心地差，有時情緒到嘅時候就會衝口而出，尤其呢啲情況」、「你體諒司機，係咪應該體諒埋個女士？一個心急嘅人講一句說話，係咪大罪到唔值旁人體諒？」。