娛圈事
歌手谷婭溦（溦溦）11日到新城接受葉文輝（啤梨）主持的節目《梨事會》訪問，啤梨接受訪問笑言：「溦溦喺我節目到爆料，佢話畀人批踭，大家想知就記得聽我個節目喇！」
溦溦接受新城《梨事會》葉文輝訪問
溦溦坦言入行初期受過不少人的欺負，每次自己都沒有反抗之力，她表示：「你冇得反抗，唔通鬧番人咩，惟有自己努力工作，做好啲，等佢哋睇到自己實力，自然會對自己改觀。」她又笑言：「最緊要個樣夠惡，夠惡佢哋就唔敢蝦你。」
溦溦坦言入行初期受過不少人的欺負
另外，溦溦稍後會首次挑戰拍劇，她透露劇中猛人如云，包括視后級人馬，她興奮表示：「套劇未開始拍，但我已經好期待，因為套劇好有多好勁嘅演員，當中仲有視后級演員，希望可以同大家合作愉快，亦都可以從佢哋身上取經。」
谷婭溦與葉文輝
30強導師分組賽（上半場）
《香港歐化飛鷹活絡油呈獻：中年好聲音3》昨晚（5日）8時30分翡翠台播映，評審團除了固定班底外，今集起劉美君將出任嘉賓評審；谷婭溦、韋綺姍和謝文雅擔任導師，分別帶領「藍組」飛鷹活絡油隊、「紅組」保濟丸隊及「綠組」何濟公隊出戰。「藍組」隊員：劉傳民、蕭偉倫、劉曉昆、高菲、宗倩如、楊炳德、占士丁丁（Dan James）、羅逸軒、陳溢光、張與辰；「紅組」隊員：何平秋、杜閱、侯靜伊、陳嘉琦、郭偉倫、李創偉、阮慧珊、曹越、劉洋、黃博；「綠組」隊員：趙浚承、林立峰、陸東成、李金凱、王鄭浚仁、任永健、善玥澄、尤詩郡、陳芷盈、胡家健。
30強「導師分組賽」上半場分數
29強名單
團年大合照
綠組成上半場領先隊伍
本回30強「導師分組賽」，上半場賽事戰況相當激烈，「雙浚配」趙浚承與王鄭浚仁合唱《我不會唱歌》，以90分霸佔第一名，二人所屬的綠組亦以244分成三隊中最高分；藍組則以238分成為最低分隊伍，需按照賽制由評審決定淘汰一名隊員，最終蕭偉倫被淘汰。第二次為《中年》擔任導師的谷婭溦，面對隊員被淘汰不禁眼濕濕哽咽流露不捨及不忍之情：「我想講佢真係好努力，每次練習都出盡全力，練到成身濕晒咁滯！但佢從來冇講過『唔得，要放棄』，仲同我講『老師，你講乜我一定做到佢』。」
藍組蕭偉倫獨自獻唱《熱血青年》獲得77分。
面對隊員被淘汰，導師谷婭溦讚對方好努力，講到眼濕濕！
張佳添超嚴格點評劉曉昆：高音略為緊咗啲
今集獲第二及第三最高分的，則是藍組的Dan James＋劉曉昆《揮着翅膀的女孩/Proud of You》（廣東話版本為《我的驕傲》），及紅組的阮慧珊＋侯靜伊《16號愛人》，兩隊分別獲得86分及83分成績。Dan James與劉曉昆演繹的普通話混合英文版《我的驕傲》大獲好評，谷婭溦和周國豐大讚Dan James勤力練習普通話，就連在茶餐廳用膳亦不忘練習！評審張佳添大讚兩人演出好有chemistry，讓他喜出望外：「聽完好warm、好heartfelt（意指感情好真摰），Dan用氣用聲好實淨，冇壓迫感，不過曉昆嘅高音略為緊咗啲，顯得單薄少少。」
藍組Dan James＋劉曉昆合唱《揮着翅膀的女孩/Proud of You》
張佳添評劉曉昆嘅高音略嫌緊咗啲。
「綠組」與陸東成合唱《心淡》的任永健，於尾段緊張甩beat，表現略為失準，最終二人僅獲79分；劉美君點名大讚陸東成臨危不亂，淡定表現極佳：「你唱得好好、control得好好，我聽得好舒服。永健嘅和音錯咗你仲繼續hold得到，係要讚嘅。」張佳添則狠批表現大跌watt：「你哋太熟原本隻歌，可能緊張令你唱得急咗，所以成件事個chemistry係一般般，成件事真係跌咗watt。」
綠組任永健＋陸東成合唱《心淡》
任永健（左）太緊張搞到甩beat！劉美君讚陸東成（右）臨危不亂，control得好。
周國豐
