熊貓孖B熊生第一個聖誕 細佬「掛」住大家 家姐問點解聖誕老人仲未嚟

港產第一對大熊貓龍鳳胎熊生第一次過聖誕，奶爸奶媽化身神秘聖誕老人，兩隻孖B就在平安夜追問：點解聖誕老人仲未嚟㗎？

大熊貓BB迎來熊生第一個聖誕。海洋公園相片

大熊貓BB迎來熊生第一個聖誕。海洋公園相片

大熊貓BB細佬祝契爸契媽聖誕快樂。香港大熊貓官方ig專頁圖片

海洋公園社交平台貼出短片和圖片，見到藤籃內兩姐弟，家姐在不停扭動，細佬就定格地「掛」在藤籃邊緣，小編鬼馬地配上字幕：「直接登出」、「已下線」，引來網民笑指細佬「細佬咁早去完蘭桂芳」、「細佬飲醉咗！」、「細佬完美演繹⋯⋯我好『掛住』大家😂，咪叫cut機唔可以停」。

家姐就問：「點解聖誕老人仲未派禮物……」，還捲縮埋頭在藤籃內，一臉委屈，又嘀咕說：「明明我哋都係乖寶寶」。

大熊貓BB迎來熊生第一個聖誕。海洋公園相片

大熊貓BB迎來熊生第一個聖誕。海洋公園相片

之後，奶爸奶媽就話，有準備禮物畀兩隻心上熊呀，細佬即時醒神，眼仔碌碌，開心返晒！

大熊貓BB迎來熊生第一個聖誕。海洋公園相片

大熊貓BB迎來熊生第一個聖誕。海洋公園相片

除了奶爸奶媽錫到燶之外，一眾契爸契媽都蜂擁留言，祝家姐細佬聖誕快樂，為一對萬千寵愛的熊貓BB送上節日祝福。

大熊貓BB迎來熊生第一個聖誕。海洋公園相片

另外，海洋公園發放家姐細佬的聖誕照片，據奶爸Matt在ig說，這輯相片是請來攝影大師操刀的。圖片中家姐細佬玩著濃濃聖誕氣氛的玩具，包括海洋公園的威威獅令公仔，而奶爸奶媽又抱又摸，羡慕死一眾熊粉啊！

奶媽輕撫細佬，係愛呀！海洋公園相片

至於想知一對熊貓寶寶到底收到甚麼禮物？就要等到Boxing Day(拆禮物日)同家姐細佬一齊拆禮物才揭曉啦！

大熊貓BB迎來熊生第一個聖誕。海洋公園相片

海洋公園教市民大熊貓冷知識，指大熊貓每隻手看起來有6隻手指，但其實有一隻手指是「偽拇指」，不算是手指，但也不是一無是處。

pandahk_official IG

pandahk_official IG

pandahk_official IG

海洋公園說，大熊貓前爪內側位置實際上是前腕骨演變成的「偽拇指」，所以不是一隻真正的手指，但是「偽拇指」也有其功用，就是可以令大熊貓更容易握住竹進食。

pandahk_official IG