《我違和但我不糾正》MV 1.8米蜥蜴搶風頭 陳健安自帶「過濾器」懶理批評

安仔透露童年愛玩Barbie、造手作，但唔知點解無繼續，入行後又重拾呢個興趣。

「唱作歌手」陳健安（安仔）今年第4首主打歌《我違和但我不糾正》MV上架，他邀請熱愛舞獅的女歌手THAIMAY、飼養爬蟲類的健身教練Gary、歌手兼廚師RegenC.、魔法師EKEE、拍攝意識流風格影片的Freeeboyzzzz和音樂創作的謝芊彤等，六位好朋友拍攝MV。其中Gary帶來身長1.8米的大蜥蜴成為全場焦點，台前幕後爭相摸摸和合照。

安仔推出今年第4首主打歌《我違和但我不糾正》。

安仔邀請六位好朋友拍攝MV。

其中一隻身長1.8米的大蜥蜴成為全場焦點！

觀看相關影片按連結：https://youtu.be/iFR7xEKuiSY

新歌創作班底由謝芊彤作曲、Oscar 填詞，賴映彤編曲，並與安仔一同監製。安仔說：「呢首歌講一啲人喺生活上，做一啲自己覺得開心、快樂嘅事情，但身邊有好多不同嘅反對聲音。」 他表示可能遇過，但因他自帶「過濾器」，對反對聲充耳不聞，「有冇人試過好反對我做緊嘅嘢？我諗唔到。可能我就係有呢個過濾器，根本就聽唔到反對聲音，所以我先至可以走到依家，無論做歌手或者20年前開始玩花式足球，可能就係因為我嘅性格，我會block咗嗰啲阻止我或者反對我嘅人和說話，我唔記得佢哋講過乜，但我依家過得好開心。」

安仔自言自帶「過濾器」，對反對聲充耳不聞。

安仔說：「今次拍MV邀請咗六個單位，佢哋每個人都做緊自己好喜歡嘅事，但背後都經歷過被反對，覺得佢哋好有違和感。」首先與安仔做對手戲是嬌小玲瓏的楊雅文（THAIMAY），她10年前瞞著家人拜師學舞獅，最初因為喜歡的男仔學舞獅，她跟著去學，雖然追男仔失敗，但她愛上舞獅，即使經常被取笑手無縛雞之力，連家人亦怕她受傷而反對，但她仍然堅持。

嬌小玲瓏的楊雅文（THAIMAY）10年前瞞著家人拜師學舞獅。

最初因為喜歡的男仔學舞獅，但最後她愛上舞獅。

雖然家人怕THAIMAY受傷而反對，但她仍然堅持。

另一位安仔好友張惠雅（RegenC.），是女團HotCha成員，安仔笑說：「Regen成個人生都好遺和，原本唱歌跳舞，無端端喺長洲開餐廳做廚師，最近在葵涌做到會，又無端端一個人去西藏旅行。」RegenC.表示全部都是她的興趣，賺到錢就出歌，繼續追夢，雖然生活艱難但過得開心滿足。

安仔笑指Regen成個人生都好遺和。

RegenC.表示她所做的事全部都是她的興趣。

賺到錢就出歌，繼續追夢。

RegenC.表示雖然生活艱難但過得開心滿足。

而MV拍攝現場最搶鏡是一條1.8米長大蜥蜴，安仔說：「Gary係我嘅健身教練，佢8歲開始養爬蟲類，今日帶咗佢嘅寶貝Black Dragon嚟一齊拍攝。另一位係呢首歌嘅作曲人芊彤，佢好細個開始音樂創作，過程經歷唔少反對聲音，但一直堅持。仲有三個男仔組成嘅Freeeboyzzzz，佢哋喺網上拍一啲意識流嘅片，紀錄開心嘅事情。至於EKEE本身係電台DJ，之後去夾Band和做咗魔法師。」

MV拍攝現場最搶鏡是一條1.8米長大蜥蜴！

安仔同Black Dragon玩得好開心。

安仔同Black Dragon玩得好開心。

Freeeboyzzzz

謝芊彤

魔法師EKEE

此外，安仔還展示身上最近火紅的日本動畫Chiikawa其中角色Usagi掛飾，「佢身上嘅配件係由我歌迷3D 打印造出嚟，而且夜光。」他透露童年愛玩Barbie，「我細個鍾意幫Barbie著衫、玩著衫紙公仔，小學嗰陣好鍾造手作，但之後唔知點解無繼續，入行後又重拾呢個興趣。假如當時有人鼓勵我，可能今日係一個出色嘅手作家。如果多啲人得到支持，呢個世界會有更多有趣嘅人。《我違和但我不糾正》呢首歌帶出嘅意思係，當你見到一啲唔熟悉嘅嘢，唔好立即反對、阻止，多啲理解、體諒，呢個世界會更有趣、更好玩！」

安仔展示身上最近火紅的日本動畫Chiikawa其中角色Usagi掛飾。

安仔表示：「當你見到一啲唔熟悉嘅嘢，唔好立即反對、阻止，多啲理解、體諒，呢個世界會更有趣、更好玩！」

踏入4月，DSE開鑼，寰亞音樂MediaAsia Music與KK Box聯手「DSE 一定要得！」網上節目，歌手們以不同形式為同學們打氣、陪伴溫習、分擔壓力。首先由「寰亞孻女」黃淑蔓（Feanna）與唱作歌手陳健安打頭陣，開考前夕在寰亞音樂的YouTube Channel開Live唱歌，還即場回應留言，點唱更是有求必應。

黃淑蔓與陳健安打頭陣，在DSE開考前夕開Live唱歌，為考生打打氣。

觀看相關影片按連結：https://youtu.be/YP8WcFHpZmE

Feanna在2019年考DSE，當時她推出為考生打氣的歌曲《一定要得》，亦是今次節目的主題，所以由她唱此歌為節目揭開序幕。她自爆當年考試難忘事，「我考聆聽嗰日喺試場戴上耳機，聽到電台喺考試前播緊我唱嘅《一定要得》，我嚇到呆咗。」安仔問：「你身邊啲考生有冇望住你？」Feanna說：「唔知呀，我耷低頭唔敢望其他人。本來考試已經好緊張，聽到自己嘅歌就更加大壓力！」又說：「因為當年我要應付考試，所以呢首歌係我唯一一首無參與拍攝嘅MV。」而安仔最難忘考試暫住家姐屋企閉關讀書，還有媽媽的愛心靚湯打氣，感到很溫暖。

Feanna唱出打氣歌《一定要得》為節目揭開序幕。

Feanna分享當年試場突然聽到自己歌，而嚇到呆咗。

安仔則分享自己當年考試時暫住家姐屋企閉關讀書，還有媽媽的愛心靚湯打氣。

Feanna和安仔都是卡通片Chiikawa的粉絲，節目中他們選唱日語歌 《睡衣派對》，還用卡通腔，非常有趣。安仔說：「Chiikawa 就係講朋友之間嘅陪伴，希望用呢首歌去陪伴大家。我哋喺網上搵到有人填咗粵語歌詞，有幾句同考試有關，所以就唱埋。」他更帶來樂器Kazoo表演一小段助慶。期間又唱中學生洗腦歌《SAS》（sin angle sin）還做埋動作，好搞笑。除了唱歌，他們更即場回應留言，尤其點唱都有求必應。安仔將自己的歌《煉獄健身室》部份歌詞改成「自修室」和「操卷」配合主題，還讚自己有急才，Feanna在旁大笑。

兩位Chiikawa粉絲選唱日語歌 《睡衣派對》。

安仔帶來樂器Kazoo表演一小段助慶。

又唱中學生洗腦歌《SAS》。

接著整個4月，逢周一晚9至10時，Feanna邀請歌手朋友一齊開Live為考生唱歌打氣。安仔就會逢星期六晚10至11時現身「KKBOX一起聽」，化身DJ為同學們播歌傾偈，安仔說：「我會為大家揀歌，唔一定係考生，都歡迎佢哋身邊嘅家人朋友，喺我度留言點唱。」而其他寰亞歌手們則會不定時於「KKBOX一起聽」上線為考生打氣，今晚（3號）9至10時就有樂隊Nowhere Boys主音Van。

整個4月，逢周一晚9至10時，Feanna都會邀請歌手朋友一齊開Live為考生唱歌打氣。

節目結束，剛好安仔新歌《不遲不早》MV首播，Feanna、主持阿酸和樂手們一同觀賞。安仔說：「第一次同同事一齊睇MV首播，有啲害羞。」Feanna大讚他結他solo有型。安仔自爆：「因為我彈得唔叻，呢8個bar喺錄音室錄咗130幾次，足足三個鐘，多謝小彤（監製）耐心陪伴。

黃淑蔓

陳健安