女神梗係難追啦。
MIRROR成員呂爵安（Edan）日前被爆暗撻「大馬女神」林明禎，又傳二人爭取時間見面，曾兩度外遊，今日(2日）Edan首度開腔回應姊弟戀緋聞。
林明禎係不少男士女神
Edan 被人讚為港爭光
今個月初有傳二人分別藉着工作，前後腳飛到歐洲見面，Edan 大方承認與林明禎於歐洲食飯，只是普通朋友飯聚，並非拍拖，Edan 笑言緋聞令他地位提升﹕「呢排好多人恭喜同祝賀我，話我好叻仔，出道咁耐都未試過畀咁多人讚，搞到我以為係奧運選手為港爭光」。不過就指明禎係女神，好欣賞對方，亦有留意對方的作品。
Edan話自己無特定擇偶條件
至於MIRROR的成員都唔相信Edan 追到女神，Edan﹕「好嬲囉，唔明點解大家唔信，你哋再挑釁我，我就證明畀你哋睇。」不過Edan 都有表示現階段事業為重，不過將來亦不介意公開戀情。
現時他話先專心工作
