馮允謙10月連開3場紅館 連續三年開騷 努力操fit麒麟臂

Jay Fung 答應Fans一定有驚喜。

「唱作王子」馮允謙Jay有好消息宣布，他將於今年十月九至十一日，於紅磡香港體育館舉行第二次個人演唱會「AXA安盛呈獻：the SOUNDTRACK of my LIFE 馮允謙演唱會2024」，三年內舉行三次個人演唱會，Jay表示非常感恩，透露今次紅館個唱是歷來最多樂手，甚至是去年紅館個唱的兩倍人數。除了唱大量冧爆金曲，還有從未曝光的新歌，讓入場Fans率先欣賞。而大家非常關心跳舞和身材，Jay大賣關子，總之答應Fans一定有驚喜！門票HK$1080、HK$680和HK$400，七月三十日（星期二）起恒生信用卡優先購票，去年演唱會一票難求，今年將再掀撲飛熱潮！

Jay Fung 10月紅館開騷！

究竟佢會唔會騷舞技呢﹖

回想過去每個個人演唱會，Jay都有很多難忘又美好的回憶，他說：「我真係好幸福，連續三年都可以每年開騷，前年喺九展StarHall舉行我第一次個人演唱會，舞台設計成『J』字，係我好想擁有，代表Jay嘅舞台。」奮鬥十一年終於擁有首次個人演唱會，可惜Jay嫲嫲騷前去世未能親身欣賞乖孫表演，Jay寫了一首《給缺席的人唱首歌》紀念她，台上由弦樂手伴奏演唱，情感真摯，不少觀眾都被感動落淚。

Jay Fung話會俾粉絲驚喜

至去年首次紅館個唱「JAYPOP LIVE@ COLISEUM 馮允謙演唱會2023」Jay說：「第一次踏上紅館舞台，好多唔同單位合作，包括Promist and Michael，非常震撼，我一直都好想同Promist 呢個合唱團合作，好鍾意呢種澎湃嘅感覺。上次仲搵咗林明禎做我每一晚嘅表演嘉賓。」他預告今年十月第二次紅館演唱會將更精彩，他肉緊地說：「今次由Randy做Band Leader，而且我哋嘅Band係double咗個size（雙倍樂手），音樂上有好多嘢玩，非常豐富。今年我會出唱片，有啲新歌將會喺今次紅館演唱會第一次唱，所以我非常期待。」

仲透露台上會有好多樂手

據悉，今次演唱會名字「the SOUNDTRACK of my LIFE」由Jay親自創作，他說：「因為回望返係一個milestone（里程碑），人生就好似一套很長嘅電影，電影就一定會有配樂，我有時寫歌會諗到一啲片段觸動到我，勾起啲回憶，我會用呢啲片段去寫成旋律。今次演唱會有好多作品都係我寫，好想同大家分享我嘅音樂世界。」Jay表示每首歌都是他的Baby，他都好喜愛，每首都很好聽，所以設計歌單都很傷腦筋。「今次入場一定有好歌，因為我會全力100%唱，大家要做定熱身同我大合唱。（會否除衫騷肌？）我唔知自己會唔會除，但係我一定會努力操fit手臂，跳舞一定會但未定跳幾多。」Jay承諾由內到外都會全力以赴。

但會唔會除衫呢﹖大家拭目以待

今次演唱會海報由星級創意大師朱祖兒擔任設計總監，夥拍著名攝影師Sam Wong親自為海報拍攝操刀，展現不同面向的Jay。拍攝當日，Jay換了五個造型，其中一件裇衫兩邊袖口設有拉鍊，他拉上後雙手藏在衫內動彈不得，他搞鬼地扮作向工作人員求救，非常鬼馬。

今次演唱會海報由星級創意大師朱祖兒擔任設計總監，夥拍著名攝影師Sam Wong親自為海報拍攝操刀

拍攝poster當日，Jay換了五個造型

展現不同的Jay Fung

Jay Fung 話會出盡全力去表演

「唱作王子」馮允謙（Jay）宣布好消息，去年他的第二次紅館個人演唱會「the SOUNDTRACK of my LIFE」，將於5月31日在澳門倫敦人綜藝館舉行。第一次將個人演唱會帶到澳門，Jay非常興奮和期待，希望每位入場的觀眾都滿載而歸！此外，寵粉的Jay今次更大派福利，粉絲有機會近距離參與「J sound check 體驗」，以及獲得「J小卡」、「J紀念Poster」。

馮允謙將於5月31日在澳門舉行首個。

Jay表示：「大家都知道我好愛錫fans，所以今次要求公司做啲特別嘢畀fans福利，其中有一樣連我自己都好喜歡，就可以sound check入嚟睇我唱歌！」Jay又說：「去年開完第二次紅館演唱會之後，好大嘅滿足感，有啲唔夠喉，好想再開多幾場，把聲仲可以唱多幾場，一直都好期待將呢個演唱會帶去其他地方，終於今次可以衝出香港去澳門開騷，所以我好感恩、好興奮，夢想成真！」

Jay對可以衝出香港去澳門開騷，好感恩、好興奮！

Jay出道14年，努力不懈，終於2022年在九展舉行個唱，觀眾反應熱烈，翌年三月首次紅館開騷，一年後再踏紅館舉行一連三場，以音樂人生比喻電影配樂為主題的「the SOUNDTRACK of my LIFE馮允謙演唱會2024」，口碑載道。今年5月，Jay首次衝出香港在澳門開騷，歌單更會加入新專輯《EMO》內歌曲，以及剛派台全新作品《然之後》。

今次澳門騷的歌單會加入新專輯《EMO》內歌曲，以及剛派台全新作品《然之後》。

Jay又指：「如果去年嚟唔到睇我嘅紅館個唱，或者睇完覺得好睇，想再睇，都歡迎嚟同我一齊唱、一齊玩，最緊要開開心心，今次我都係抱住去享受、去玩，好好喺自己舞台發揮！」為帶給觀眾聽覺和視覺享受，Jay亦透露正積極做GYM，希望以最佳狀態踏上舞台。言而澳門的葡撻和美食，亦令他非常期待。「我超級鍾意食嘢，經常同家人去澳門食嘢，每次都可以好放鬆，盡情旅遊，好多開心回憶！」Jay還興奮表示媽咪答應從加拿大飛來澳門捧場，令他非常開心。

Jay透露媽咪答應從加拿大飛來澳門捧場。

Jay希望入場的觀眾可以將那兩個多小時全交給他，感受他的音樂，「我真係好期待，因為今次演唱會對於我同埋我嘅fans係好特別嘅moment（時光），我能夠第一次衝出香港舉行個人演唱會，真係非常之難得，我好感恩，所以我好希望可以同fans一齊經歷呢個special moment 。」他亦會好好享受舞台，忠於自己、做自己，將精彩的表演帶給觀眾。作為唱作歌手，Jay經常提及「初心」，他認為每次開始新的創作項目都要像從零開始，保持「玩」的心態及好奇心，才可以發現更多可能性，有新的突破。

Jay希望入場的觀眾可以將那兩個多小時全交給他，感受他的音樂！

演唱會詳情
《the SOUNDTRACK of my LIFE 馮允謙演唱會 澳門站》


日期：2025年5月31日
時間：8PM
地點：倫敦人綜藝館
票價：HKD/MOP $1188／$788／$588
主辦機構：寰亞娛樂／東亞娛樂
合辦機構：樂騰演藝

優先訂購門票將會於4月10日上午10時起於HotdogTIX網站／App開售。

公開發售門票將會於4月14日中午12時起於金光票務及大麥網公開發售，粉絲們記得較定鬧鐘準時搶飛！

粉絲福利詳情：

 • 購買港幣/澳門幣 $1,188門票的觀眾可參與「J sound check 體驗」、獲得「J 小卡」及「J紀念Poster」乙張；
• 購買港幣/澳門幣 $788門票的觀眾可獲得「J 小卡」及「J紀念Poster」乙張
• 購買港幣/澳門幣 $588門票的觀眾可獲得「J紀念Poster」乙張



優先購票福利詳情：首30位於優先購票平台HotdogTIX訂票的購票者（按完成訂單交易的先後）可獲贈Jay Fung即影即有乙張。有關福利活動流程，請留意寰亞音樂官方平台容後公布的最新消息。

寵粉福利！

優先購票：

日期：2025年4月10日（上午10時）至4月12日（晚上11時59分）
購票渠道：www.hotdogtix.com 或 HotdogTIX手機應用程式
*必須先登記成為HotdogTIX會員，方可享優先購票。

公開售票：

金光票務
日期：4月14日（中午12時起）
網上購票：COTAITICKETING.COM
電話購票：3065 9899香港 / +853 2882 8818 Macao 澳門

大麥網
日期：4月14日（中午12時起）
網上購票：DAMAI.CN