陳凱詠感動私訊鄭秀文鼓勵 Sammi即興邀觀眾席任賢齊合唱

Sammi笑小齊將「浪花」說成「老花」，廣東話有待進步。

天后鄭秀文（Sammi）昨晚（7月16日）在紅館舉行第四場「You & Mi 鄭秀文世界巡迴演唱會2023」（Rescheduled ），好友任賢齊（小齊）、蔡卓妍（阿Sa）、導演莊文強、蔡穎恩（Evelyn）與攝影師老公譚運佳、Vian@Me&、國內歌手蘇運瑩等捧場。Sammi換上Monica Ivena黑色水晶短裙與表演嘉賓陳凱詠（JACE）合唱《煞科》，觀眾勁High。全場高潮是encore時，Sammi即興邀請觀眾席上的小齊合唱《浪花一朵朵》，她還笑指小齊廣東話《「老花」一朵朵》，全場爆笑。

任賢齊

蔡卓妍

導演莊文強

蔡穎恩與攝影師老公譚運佳

Vian@Me&

Sammi換上Monica Ivena黑色水晶短裙。

昨晚表演嘉賓JACE出場前，Sammi稱：「今晚呢位嘉賓，我自己覺得好啱口味，唱快歌又得唱慢歌又得，充滿energy嘅新晉歌手。現場觀眾未必個個都認識佢，但我覺得呢個舞台，我好希望能夠分享俾啲新歌手。舞台我就分享咗啦，至於你嘅演出能唔能夠打動到觀眾？就要靠你自己啦！」然後音樂響起《煞科》，JACE毫無怯場，跟Sammi台上又唱又跳，還加入一段rap助興，全場High爆。期間JACE興奮高呼：「好夢幻呀，我同Sammi一齊唱歌呀！」

與嘉賓JACE合唱《煞科》。

全場High爆！

唱完二人擁抱，Sammi說：「每一個歌手都係由新人開始，當初好多前輩歌手俾咗好多機會我上舞台，我先至可以慢慢一步一步行到今天，我都希望今次演唱會，可以同啲比較新晉嘅歌手分享。」JACE表示第一次踏上紅館舞台，「感覺太神奇，好正呀，咁近距離感受Sammi嘅energy。你超好地鼓勵咗我好多，因為之前一段時間唔係好容易過，但Sammi超好，私下同我講咗啲說話，令我覺得我真係要加油。」全場掌聲。

唱完，Sammi和JACE擁抱。

Sammi說：「長路漫漫，前面嘅路係你哋架啦，你要加油呀！」然後JACE送上一個湯壼，說：「我本身諗住自己煲湯，但考慮Sammi健康，所以裏面係我寫嘅一張湯券，等你演唱會完成之後，可以隨時兌換我煲嘅湯。」Sammi笑說：「唔怪之得個壼輕飄飄啦！」她落台換衫，JACE與帶來的舞蹈員表演自己的新歌《百妖夜行的修行》。

演唱會尾聲，全場大叫encore，Sammi穿著Ground Zero 白色小背心、Meryll Rogge牛仔褲配搭Swarovski高級珠寶出場演唱新歌《盲盒》後，對觀眾說：「我知你哋好需要集體回憶，鍾意比較熟悉嘅歌，大家記唔記得幾廿年前（24年前）《夏日的麼麼茶》？『麼麼茶』今日嚟咗呀，小齊！『麼麼茶』今日好風騷喎，粉紅色tee、白色框眼鏡、仲有牛仔帽。」小齊拿起咪高峰跟觀眾打招呼，全場歡呼，小齊說：「『麼麼茶』一路喺馬來西亞嘅熱浪島等Sammi返嚟，等唔到，我就嚟香港搵你！點知我一返嚟香港，個個叫我『秋哥』，因為《九龍城寨之圍城》！」Sammi興奮地說：「恭喜你，過億票房！」

Sammi換上Ground Zero 白色小背心、Meryll Rogge牛仔褲配搭Swarovski高級珠寶出場演唱新歌《盲盒》。

呼喚觀眾席的小齊。

小齊跟觀眾打招呼。

小齊表示好期待再跟Sammi合作拍電影，「你攞獎嘅時候，我仲開心過自己攞，好感動！」Sammi說：「終於攞到啦，yeah！有夢想唔好放棄，70歲都係攞獎時，你加油，演技再進步啲呀！」然後小齊即興與Sammi唱了一段電影《夏日麼麼茶》主題曲《浪花一朵朵》，不過Sammi笑指他將「浪花」說成「老花」，廣東話有待進步，全場爆笑。

小齊表示好期待再與Sammi合作拍電影。

二人即興合唱電影《夏日麼麼茶》主題曲《浪花一朵朵》。

關注一下過去24小時娛圈事Top 5熱話。

前邵氏女星張淑儀一頭銀髮狀態依舊 愛女鄧愛嘉曬出多張媽媽舊照以及合照

前邵氏女星張淑儀曾在TVB拍過不少劇集，《唔駛問亞貴》、《光怪陸離》、《七女性》、《一屋．兩伙．三人行》等劇集，在1983年與有「最後貴族」之稱的鄧肇堅長孫鄧永鏘結婚，婚後育有一女一子鄧愛嘉（Victoria）及鄧裕鏗（Edward），但兩人於1992年離婚，離婚後張淑儀與前夫及一對仔女一直保持良好關係，近日鄧愛嘉曬出多張媽媽的舊照以及合照，為媽媽慶祝生日。

▼詳情點擊圖片查看或按連結

黃翠如公開產後近照 自爆迷戀聞囝囝腳仔

黃翠如與蕭正楠結婚於2018年結婚，於去年11月在社交平台貼出超聲波照宣布懷孕喜訊，囝囝「簫哈哈」於上月平安出世。新手爸爸蕭正楠忙於工作賺奶粉錢，而新手媽媽黃翠如就正在坐月休養。近日久未露面的黃翠如就在社交平台貼出近照，並自爆最近有一個新嗜好！

▼詳情點擊圖片查看或按連結

Mandy Lieu移居英國投資3億建生態農場 樸素打扮展田園美

曾是香港娛樂圈炙手可熱的混血名模Mandy Lieu，自與澳門賭業大亨周焯華分手後，與4名子女移居英國漢普郡（Hampshire），過著低調的田園生活。她以2800萬英鎊（約3億港元）購入佔地370多萬平方米的Ewhurst莊園，並將其打建設一個集畜牧業、有機食品生產和自然保育於一體的生態農場。在莊園社交平台見到她樸素打扮，展現出完全不同於昔日名模的自然魅力。

▼詳情點擊圖片查看或按連結

陳凱詠做孝順女同爸爸一齊遊夏威夷 爸爸年輕有型

歌手陳凱詠（Jace）曾公開感謝父母的支持，並直言自己的音樂天分遺傳自父母，與父母關係親密的Jace近日貼出多張與爸爸一齊到夏威夷旅行相片，她在貼文分享：「七年前因為要參加法國朋友的一個婚禮，促成了兩父女第一次的歐洲旅行，那時候我還未出道做歌手，七年後再次因為參加朋友的婚禮，和爸爸去了這個他從小就很想去的夏威夷旅行，發現我們都成長了很多。」

▼詳情點擊圖片查看或按連結

袁潔瑩55歲告別昔日暴瘦身形 拒封閉生活透露或再演戲

現年55歲的香港女星袁潔瑩（Fennie），以「開心少女組」出道，憑電影《開心鬼》系列走紅，曾是80、90年代炙手可熱的青春偶像。然而，她淡出幕前多年後，因健康問題和情緒困擾一度陷入低谷。近日，她在YouTube頻道《伍妞有伍仔》的訪問中分享了自己的心路歷程，並展現出回春的狀態。袁潔瑩坦言拒絕過封閉式生活，決心以更開放的態度分享生活點滴。

▼詳情點擊圖片查看或按連結