陳慧琳自嘲素顏樣似師奶 家中沒有「偶像媽咪」只有「阿四」

51歲Kelly兩大凍齡秘訣大公開，天后教如何舒緩壓力：唔使將得失睇得太緊要

由黎芷珊主持的《澳娛綜合呈獻：芷珊約您》，逢星期日晚上9點半翡翠台播映。昨晚（26日）播出第六集的嘉賓是陳慧琳（Kelly），芷珊除了北上廣州直擊Kelly的巡迴演唱會演出，還與她進行深度專訪，巡迴演唱會圓滿結束後，芷珊帶Kelly到了當地大牌檔貼地食水蟹粥，又到了清幽的素食餐廳，二人盡訴心情中。

今集嘉賓係陳慧琳（Kelly）。

巡迴演唱會精選圖片

巡迴演唱會精選圖片

巡迴演唱會精選圖片

Kelly親民同粉絲合照，來者不拒。

Kelly貼地食大牌檔，吸引好多途人圍觀。

Kelly同dancers關係好close！

芷珊順道遊覽廣州。

Superstar媽咪簽名贈同學＋老師

巡唱翌日，一班忠實粉絲在酒店門口等待Kelly，Kelly來者不拒大方與粉絲合影，盡顯天后親民一面。芷珊問到Kelly家中兩名兒子是否她的小粉絲時，Kelly秒速回答「肯定唔係」，並自嘲在家中角色是「阿四」：「想使我做乜就做乜，要我拎嘢畀佢哋，好煩架。偶像媽咪？冇呢啲嘢。」2015年紅館巡唱，Kelly帶過兩名兒子上台，但當時兩子年紀還很小，仍未懂事，轉眼間大仔已15歲、細仔12歲，Kelly直言大仔最近才知道自己擁有一位Superstar媽咪，並要求偶像媽咪簽名送給同學們：「佢叫我簽幾張，我話簽定一疊你返去慢慢派，話啲老師都係我fans，佢就覺得媽咪真係得架喎！」

Kelly話喺屋企係阿四，冇偶像媽咪呢樣嘢！

Kelly貴為天后在人來人往的鬧市食街邊檔，吸引大批途人圍觀。被外界公認含住金鎖匙出世，「要風得風，要雨得雨」的Kelly，她與芷珊大談背後的真相，以及花錢價值觀的看法，她謂：「唔係講到咁誇張、咁有水（錢），中上啦！自己唔係萬花筒，應使則使，要值得，唔可以亂咁揮霍。我唔鍾意over price買over price咗嘅嘢，一分錢一分貨我OK。有紀念價值，或者舞台上面嘅嘢會捨得。」原本Kelly打算在巡唱過後，買手袋和戒指獎勵自己，但因需要為另一個演出預備服裝，笑言賺到錢也要貢獻出來。

Kelly兩名仔仔喺2015年紅館演唱會上過台。

至於天后如何培育兒子金錢觀念？Kelly指兒子們從同學仔身上聽到「Actress、singer一定好有錢」，會回來問父母家境是否富裕，即使如此，兒子們的「孤寒」金錢概念，為這位偶像媽媽省下不少金錢：「任何嘢只要過100蚊就覺得貴，佢哋好孤寒架！」相當可愛。Kelly大仔有紀律，細仔聰穎不用操心，故不擔心他們因知道家中有財力支持而變得懶散，倚靠屋企。

Kelly對金錢價值觀係應使則使，尤其花喺舞台上嘅嘢！

現年51歲的Kelly美貌似吃了防腐劑一樣，凍齡指數爆燈！她向芷珊自嘲沒有化妝的樣子似師奶，自認貪靚，從來不會素顏出街。身形、皮膚狀態不能騙人，講到她與實際年齡不乎，Kelly認為跟睡眠質素，及情緒管理得好有關：「我覺得裡面緊要過外面，情緒要控制得好。喺呢個社會每個人都有壓力，睇你點handle。我應該係高手，因為我瞓到，瞓到覺好緊要！」至於如何舒緩壓力，Kelly認為不要將得失看得太重要，並舉例若經常mon實社交網數字可有上升，甚至留意Haters留言，一有打擊便會「喺個天跌落嚟」：「唔使放到件事咁大，譬如呢個作品唔得，或呢張相冇咁多數字（讚好），咪下一個囉，累積架嘛，唔係得一樣嘢。」

Kelly話喺屋企係阿四，冇偶像媽咪呢樣嘢！

Kelly自嘲素顏似師奶，從來唔會唔化妝出街。

效法黎明坐著唱快歌

談到十年後的陳慧琳會是怎麼樣？Kelly表示會效法天王黎明坐著唱快歌，笑言年紀大有心無力；她更向十年後的陳慧琳說：「做得好呀你，因為我知道你每一日都盡力去做，一定會係非常之好！」最後，Kelly向芷珊分享一個小秘密，經常做運動鍛鍊身體的她，原來非常怕凍！訪問當日，現場放置四個暖爐包圍住Kelly，而她身上亦有六個暖包，她不禁笑言：「我哋喺廣州咋，搞到好似喺北京咁！」

Kelly話十年後會效法黎明坐喺度唱快歌。

陳曉東《Reflection心有獨鍾30週年世界巡迴演唱會》繼廣州站、台北站後，日前來到第三站佛山的國際體育文化演藝中心，全場爆滿！三十多首曲目由音樂總監伍仲衡重新編排，加上新look登場，更邀到香港天后陳慧琳擔任嘉賓，將愛完美的東東完全展現出來，三十年來初心依然。

陳曉東《Reflection心有獨鍾30週年世界巡迴演唱會》佛山站圖滿結束。

東東全身白色打扮出場，比白馬王子更優雅，清唱出《一次真愛追尋一百次》首段打頭陣，很快便帶樂迷進入他的世界。接住唱《質感》、《猜猜猜》等，《If》在色士風伴奏下很立體，令人印象很深。

東東以全白Look登場。

比白馬王子更優雅。

換上白色闊袖黑背心外衣馬面裙的東東，由第一部份到第二部份，仿如帶樂迷穿越古今，在古箏彈奏下唱出Medley《霸王》、《我願意》、《突然心動》，以及加上今次佛山站新唱的《倩女幽魂》，既有氣勢又溫文，令人眼前一亮。東東身上穿的馬面裙，是現今很多知名的時尚品牌採用的設計，這套由法國設計師設計的非文化遺產傳承的民族服裝，由男士穿上在舞台上更有風範。

東東之後換上白色闊袖黑背心外衣馬面裙登場。

在古箏彈奏下唱出Medley《霸王》、《我願意》、《突然心動》。

這套非文化遺產傳承的民族服裝是由法國設計師設計的。

東東換過衫後，便進入「廣東歌大合唱」，有型地以一身cyber打扮與舞蹈員唱出《心理遊戲》、《結他》、《急凍心靈》、《特務》的Medley，唱到一半，佛山站第一場的嘉賓是Rapper MastaMic現身，穿插台上並在Medley間rap，全場high爆，東東氣也沒喘，再唱廣東歌Medley《在乎你感受》、《借借你肩膊》、《黑色領帶》、《感覺瞬間》、《易來易碎》、《病人》、《流星森林雨》、《三個字》，很有狀態。

東東換上一身cyber打扮與舞蹈員唱出一系列廣東歌。

山站第一場的嘉賓是Rapper MastaMic。

此刻，升降台升上第二位嘉賓Kelly陳慧琳，這對「雙陳回憶殺」組合，合體唱出《打開天空》，令場內氣溫急升，將氣氛推上頂。東東多謝Kelly冒着風雨，從香港來佛山擔任他的個唱嘉賓，東東向觀眾說：「我記得上一次聚頭係十幾年前，係阿Mark（雷頌德）嘅演唱會，我記得係你搵我。」聽到東東說十幾年前，搞笑的Kelly扮抹眼淚，「十幾年？太恐佈喇！因為阿Mark嗰隻歌要搵番你出嚟合唱，嗰隻歌都隔咗好多年無唱，我哋係每隔十幾年先唱一次嗰隻歌，點解隻歌咁慘嘅？」Kelly講完全場大笑。

第二位嘉賓是Kelly陳慧琳。

東東又分享未入行前跟Kelly及其他人一齊學跳舞、一齊行宣傳的那些年，「希望下一次見碰面唔使十幾年啦！」Kelly即回：「唔會㗎喇，我就嚟開演唱會！你會唔會嚟？」東東答：「梗係會啦！大家都要支持Kelly！」情緒高漲過後，Kelly再唱《最佳位置》作中和，很有鋪排。

Kelly唱出《最佳位置》。

整晚另一令人期待的演出，是東東的兩位女兒陳芷霖（朵朵）、陳芷睿（多多）的鋼琴彈奏《心有獨鍾》，掀起全場大合唱，二人完全沒有怯場，有爸爸的典範！而東東再唱出多首炙手可熱的金曲，最後以《不會一個人》作總結。騷後，東東表示很感動，又有不少難忘趣事，例如首次着裙，以及其中一對鞋的踭很高，演出時真的抽筋。

東東的兩位女兒鋼琴彈奏《心有獨鍾》。

東東的兩位女兒鋼琴彈奏《心有獨鍾》。

東東再唱出多首炙手可熱的金曲。

最後以《不會一個人》作總結。