甄妮疑遭伍仲衡爆走數開Po反擊 再爆肥媽借嘢唔還

「樂壇風紀」甄妮今次講咁多嘢，似乎幾㷫喎！

有「樂壇風紀」之稱的甄妮，早前發文為《 #中年好聲音2 》的譚輝智抱不平，狠批奪冠的古淖文 「油膩誇張」，事件引來節目其中兩名評審周國豐和伍仲衡回應。

甄妮向伍仲衡及肥媽開火。

二人日前做網上節目時，伍仲衡突然突然撩周國豐講八卦：「講啲cheesy（俗）啲嘅嘢，有人攻擊我哋節目《中年好聲音》。」周國豐表示：「嗰個都係我好尊敬嘅前輩嚟。」及後伍仲衡就爆料：「我聽好多佢啲嘢……唔找數嗰啲，真係呀，好多Friend同佢做過嘢，你都知我識幾多人做演唱會啦，個個都識咁滯，同佢做過好多騷，我啲friend唔會呃我。」周國豐就好謹慎，指指控好嚴重：「我又未聽過呢樣嘢。」伍仲衡有點激動說：「咁佢唔會唔找畀你吖嘛！同佢做完演唱會啲人收唔到錢嘛，我聽咗十幾廿年。」

伍仲衡指有朋友跟「某人」做騷後，疑發生唔找數事件。

伍sir續指行內好多人講「攻擊者」壞話，指對方風評好差！

甄妮日前又再在社交平台出post：「邊個出聲，邊個就係衰人。RAPE DRUG. RUDES.HAMEFUL.SHOUTING HIDING DRUGS。No MANNERS.（強暴、毒品、粗魯、可恥、大喊、大叫、藏毒、冇家教）全部都該「LIT IIT GO ｣ （由得佢）是這樣嗎？」之後佢再點名「阿伍」留言：「阿伍不對的事情，反覆炒作繼續加油添醋，一把年紀了仍分不清「對錯」唉！駡都懶得駡你了！套一句『流量比較重要』你的廢龍要打屁屁了。」

甄妮開Po反擊。

甄妮更火燒另一評判肥媽：「只有一次交集：瑪莉亞小姐向我借耳環上秀，結果有去無回大丈夫🤣🤣人品如何請仔細想想🤔別懶，有証人🤣🤣也不用還了，送你慢慢用吧！🤣🤣」然後又謂：「既被諷為風紀，粗重嘢就交給我做吧！那個台該看，那個台不該看，我會向大家報告！你們都去忙吧！🤣🤣🤣🤣🤣🤣不用客氣😇」。

燒埋肥媽借嘢唔還。

甄妮留言。

她意猶未盡再說：「自古以來，尊師重道是基本準則，怎麼到了媒圈就變成罪悪？好 好 好 隨你們吧！小心迴力鏢🤣」、「有意見的人，是不是封面講的項目，也有你的份？？要不然眛著良心，拼命的顛倒是非拼命維護，我不得不懷疑嗯．．．．🤔算了算了😐教不好的🤣🤣🤣」。「現在天氣晴朗 快點再去通陰溝囉！」最終她忍不住反駁：「阿伍台把不正確的舊新聞，反覆炒作繼續加油添醋，一把年紀了仍分不清『對錯』。唉！講都懶得講你了！套一句『流量比較重要』🤣🤣🤣你的廢龍要打屁屁了🤣🤣🤣。」、「父母教100句好，不及『偶像』講半句，公衆人物的影響力不可言喻！」、「等你做父母時體會吧！」。

甄妮火燒另一評判肥媽！

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，昨晚（3月25日）播出最後一集，請來肥媽Maria Cordero擔任壓軸嘉賓，主題為「中年好驚陰」。

昨晚肥媽擔任壓軸嘉賓。

昨晚節目一開始梁思浩便感激觀眾及網民支持，並宣布未夠一年時間，留言數目已超過一百萬，成績亮麗。肥媽接着登場，她提到丈夫施曉洋離世前最後一段日子，他曾吩咐肥媽要為自己燒金銀衣紙，她說︰「臨走前佢話『雖然我天主教嘅，驚無錢使。我有一日走，你記得燒嘢畀我』所以做足儀式，破地獄都做齊，仲燒咗架紙紮Harley Davidson、Kawasaki電單車、四驅車，全部一比一。另外仲有球拍、樂器，全都係佢生前嘅興趣同嗜好。」肥媽表示跟丈夫的愛很真摯，希望能替對方多做點事。在頭七回魂夜當晚，肥媽預備了丈夫最愛的提子包及叉燒飯，她說︰「第二日個麵包無咗一啖，令我覺得老公喺我身邊。」她形容丈夫像沒有離開般，在身旁守護自己，就好似有趟天氣很冷，房中兩部冷氣忽然開動，肥媽認真的說︰「我知係老公，跟住我話『唔好玩嘢呀』。」事後才知是丈夫希望啟示肥媽要保留相機、鏡頭給孫女。肥媽又透露丈夫雖已離世近5年，但二人仍然存在「聯系」。她笑言但凡在家中有什麼物件找不到時，只要憑空喝一聲，該物件就會輕鬆找到，非常神奇。

肥媽談到跟亡夫的connection。

思浩藉肥媽故事助煒烈走出陰霾。

思浩自爆曾借肥媽跟亡夫的故事，令甘草演員煒烈走出喪妻陰霾。他表示跟煒烈原本不熟識，但敬重對方跟太太的情義︰「他經歷同太太10幾年癌病鬥爭，兩人依然相愛，可惜太太最後都不敵病魔。」思浩形容煒烈自此仿如失去靈魂，他說︰「佢唔返工、唔拍劇成日以淚洗面，好似行屍走肉。見到佢幾個月都係咁。」最後思浩跟煒烈講了肥媽的故事，解開對方心鎖︰「我同佢講人走咗都仲喺你身邊，你咁愛太太，如果佢企喺度望到你而家咁樣，會唔會好傷心？」思浩直言對方有段時間曾想過「唔做人」。

《直播靈接觸》昨晚播出最後一集。