霸戲哥之前寫過話有舊同事C參加咗TVB搞嘅《中年好聲音》，相信大家都估到佢就係周吉佩。以吉吉嘅唱功，要喺3000人入面脫穎而出成功入圍，(given that 入面有屯門娜娜同時事評論員許禎），應該係冇乜難度。結果噚晚睇海選真係見到吉吉，豬視妹仲話佢瘦左半個碼，明顯為比賽減磅。

霸戲哥對吉吉呢位後生仔（但原來已經中年）特別欣賞，除咗佢本身做得嘢幫到手之外，亦同佢嘅成長背景同經歷有關。 又因為有呢啲經歷，令佢比其他同事成熟，好清楚自己嘅目標，做事亦特別認真同投入。

霸戲哥相信如果吉吉嘅運氣稍為好少少，唔使等到中年，一早就已經喺舞台上發光發亮。但，世事又邊有咁多如果。

就此祝福吉吉喺《中年好聲音》度過關斬將，搵返屬於自己嘅真正舞台。




霸戲哥

** 博客文章文責自負,不代表本公司立場 **